黃翠如自囝囝蕭哈哈出世後已減少幕前演出，並有意轉型KOL，更於8月1日在小紅書拍片「官宣直播」，宣布將於28日（周五）直播公開自用好物，這期間她先陸續發片，包括為直播「選品」，旅行開箱，分享晚間護膚、身材管理等用品和心得。
上月25日，翠如到江門捧老公蕭正楠（Edwin）的《三生有幸演唱會》場，走上台給老公打氣支持時，側身被拍得肚凸凸，引來網民熱論她是否懷二胎了，全網都幾乎在討論：「係咪二胎？個肚咁大嘅！」翠如即在社交網「自首」，自認冇攝好件衫，同時坦言真的肥了，然後承諾會節制飲食。
事隔一個月，翠如終於拍片給大家看她Keep Fit成果。驕傲地穿上露腰衫的翠如，在片段中說：「我想俾大家睇我纖體嘅成果，我嘅側面，嗰個懷疑二胎，喺我努力嘅成果底下，係咪都有啲（馬甲）線。」說罷隨即用外套遮住條腰，笑言自己害羞。
翠如換上紅色短身款裇衫後，續謂Keep Fit是每一個女人任何時候，包括生完BB之後都要想的事情：「比起上一次Edwin嘅演唱會已經過咗一個月，呢一個月嘅時間我有好努力咁去管理我嘅體重。」但她自爆沒有減少食量，只是有一直跑步讓自己出汗。
