韓馬利、馬海倫、歐瑞偉與關曜儁昨日（20日）一同出席「SMART跨代虛擬運動大賽2026」，齊心推廣「長幼同樂、健康共融」的社區理念。
無綫處境劇《愛．回家之開心速遞》即將迎來尾聲，馬海倫透露稍後會與歐瑞偉返回電視城繼續拍攝：「未到大結局，仲有兩輪左右先到。」至於會否參與全新一輯，她則表示尚未收到消息：「未打聽到，通常都要過冷河期！唔知要幾耐。」歐瑞偉同樣指暫未獲悉新劇安排，但衷心感激觀眾多年來的支持與愛戴：「新劇容後再講，不過希望無論新嘅、舊嘅大家都要多多支持！」
剛與太太迎來第三胎的關曜儁，笑言假日湊仔比開工更忙：「我一放假老婆就會將餵奶、換片全部交畀我做！」他透露目前已是四年抱三，初步完成生育計劃，但太太似乎有意再添一名成員：「計劃初步完成，老婆好似想生多個！」他曾考慮結紮，現時正遊說太太：「我而家慫恿緊佢，佢都有啲心郁郁咁。我應承咗佢如果生埋第四個，我就真係紥喇！」他又打趣指想生第四個，「大女同細仔似太太，大仔就似我，好想試下生埋第四個睇下係咪似我！」關曜儁一向喜愛熱鬧家庭氛圍，看見子女互相照顧更感幸福：「大女爭住幫手換片，自己換完會幫埋二佬換埋，都幾搞笑！」
