由凌文龍、楊偲泳、陳湛文、林子傑、黃德斌主演、郭家禧與李振傑聯合執導之電影《UFO離奇命案》，於7月4日起公映，兩日半累積100萬票房，而上映第二日更超越開畫日票房，口碑持續攀升。
陳湛文的露股演出獲網民一致好評，大讚他瞓身演出，Peter透露拍攝時正值寒冬及深夜，他形容自己「好捱得」：「去到咁盡嘅原因，一當然係相信導演以及團隊，二係我覺得今時今日啲故事或人物，係要去到咁盡先貼近返現實，所以唔係我搏，而真係角色與劇情需要。」除了露股令人嘩然，Peter的妝容更加是難以辯認，他表示歸功於整個團隊：「個妝其實係集體創作，因為要人信服佢係因打鬥而窒息，所以共識係要發紫同埋口腫面腫，又有啲污跡，而當我一上咗呢個妝，成班演員望住我就想笑，我就知道咁就啱嘞。」
在電影公司發布的宣傳片中，見到女主角楊偲泳坐輪椅的鏡頭，原來她於開拍初期，在森林主景中意外倒地，劇組立即將她送院，被確診為骨裂。由於電影以有限成本拍攝，Renci受傷翌日原定要拍攝重要的群戲場口，正當導演商量如何調度拍攝，Renci竟如期現身，堅持負傷演出的Renci說：「因為知道兩位導演喺300萬資金下，每一個拍攝日，以至每一場都係喺嚴密控制成本下實行，加上呢部戲以群戲為主，每一個角色嘅參與度都缺一不可，因此休息一晚，照常去到片場，盡力配合拍攝。」
電影團隊於公映第二周，將由凌文龍、楊偲泳、陳湛文、林子傑、黃德斌，聯同導演郭家禧與李振傑等到戲院謝票，適逢世界盃熱潮，眾人更會大派「星塵大師」黃德斌開光的世界盃開運卡！
更多圖輯：
