聚有時散有時，C AllStar四子去年底宣布在紅館演唱會後，便會暫時休團作個人發展，日前釗峰單拖到銅鑼灣街頭玩Busking，宣傳他單飛後首支派台新歌《月亮不代表我的心》，更跟街頭音樂組合「The Flame Music」jam 歌之餘，又將多首大家耳熟能詳的廣告歌大玩medley，吸引超過二百人圍觀，場面熱鬧。
今次Busking是C AllStar休團後，釗峰首次以個人身份到街頭表演，他坦言感覺既孤單又興奮，可謂百感交集：「未試過自己一個Busking，心情又緊張、又興奮、又正又孤單。今晚我唱咗好多medley廣告歌，夾雜咗好多歌，有我哋四個（指C AllStar成員）嘅飲歌，亦有自己廣告歌，感覺番以前C AllStar砌medley嘅感覺。」
釗峰自言「瞓身」支持香港Busking文化，但他希望可以規限Busking的質素，他說：「這是香港文化之一，其實韓國等地嘅Busking好成功，而且質素好高，所以希望香港都可以效法，令Busking文化值得保留。」
問到釗峰喜歡在街頭獻唱？還是在紅館獻唱？他指Busking與紅館演出是兩樣不同東西，不能相提並論，「紅館係一個好大嘅團隊，要顧及台聲燈、舞蹈等，但Busking鍾意點就點，無論overrun定瞓喺度唱，都係自己嘅事。」
大家都知C AllStar在○九年出道，之後憑一曲《天梯》唱至街之巷聞，入屋到連師奶都識唱，樂壇大哥大姐如李克勤、張智霖及關淑怡都曾翻唱此歌，更令C AllStar橫掃不少樂壇獎項，成功在樂壇穩佔一席位。
