2003年出道的鄭融（Stephanie）相隔四年推出新歌《下不違例》，她近日接受商台《星光背後》專訪，首度公開這段「音樂空白期」的內幕。原來這四年來，她不僅面對疫情衝擊，同時忙於內地巡演（2023至2024年共開八站），更因父親突患重病猝逝，作為家中獨生女，她選擇全力陪伴母親，暫緩音樂工作。
鄭融接受梁泰來主持的《星光背後》訪問
鄭融坦言，這次派歌的籌備過程「史無前例咁多波折」，以往每首歌一個版本便通過，這次卻經歷無數次來回修改。她本以為巡演完結便可籌備新歌，卻遇上父親突然確診病重離世，令她措手不及：「爸爸確診嚟得好突然，同屋企人都要好快調整，好快應變，要處理好多嘢。」她將大部分時間放在親情，陪伴父親及照顧母親。談及亡父對她的影響，她即時眼泛淚光，聲音哽咽：「佢係我人生導師，一直支持我唱歌。爸爸好鍾意寫memo畀我，有我嘅剪報，或者一啲有意義文章，都會cap低send畀我，佢又會叫我唱多啲生命鼓勵嘅歌，譬如《多喝水》獲獎，佢係好開心。」
鄭融談及亡父時仍眼泛淚光，聲音哽咽。
除了家庭巨變，鄭融亦在父親病逝前的2020年經歷感情打擊，宣布與拍拖八年的外籍前度分手。對方是她的中學同學、圈外人，最終分手原因是生活習慣與性格嚴重不合：「佢完全唔鍾意出街，當我做呢行都豁出去，間唔中想出吓街嘅時候，佢都唔會同我去吓啲地方睇吓，留喺屋企。有時我都想做返一個普通人嘅活動，我真係需要，但係佢又好似乜嘢都唔做。大家性格真係可能唔啱，再拖落去，對大家其實都唔係好開心。」被問到這是否代表容忍了八年，鄭融承認自己從前是個害怕改變的人：「以前我好怕有變動，以為唔變就唔使煩，無衝突就最和平。以前係會好驚變化，但係呢幾年經歷咗咁多咁大嘅震動，先至知變幻係正常，要擁抱每個變幻。」
單身六年，鄭融坦承有過追求者出現：「都有食飯、了解、傾吓計。有段時間會以為單身好似唔慣，因為自己多咗好多時間，好想搵嘢填滿。」但如今她已愛上新生活：朝早跑步、煮餸、打理屋企，放多咗時間陪媽咪。她說自己已習慣單身，亦會害怕要適應一個新人，「但如果值得我改變現況，嗰個人一定要好適合，唔會變成負累或者壓力。」
