林家謙的《White Summer》演唱會昨晚（23日）進行第四場演出，邀來鄧麗欣（Stephy）擔任嘉賓，合唱《十分愛》，瞬間點燃全場觀眾的氣氛。
家謙與Stephy合唱過後，難掩興奮之情，對着她說：「多謝你，我願望成真啦！我有個夢想就係可以同你唱十分愛呀。」Stephy好奇追問：「你之前提到細個嗰陣，細個係咩？依家講下‥‥‥」林家謙回應：「我細個唱K成日唱呢首歌囉，以前只係同聽單聲道版本合唱，今日終於同『行走』的單聲道合唱！」Stephy笑問：「細個即係幾歲？」家謙即腦筋急轉彎，表示：「六歲就渴望愛情呀，哈哈哈，冇咁細，我唔係MC（張天賦）。」
Stephy感謝家謙早前為她寫了歌曲《戲一場》，「好開心收到家謙為我創作嘅《戲一場》，幫我寫呢首歌，佢不單出嚟同我傾偈，又細心問我想要啲咩，又好快就寫好，個demo版本已經好好聽，我成日係屋企J首Demo，依家都係我個playlist到。」林家謙聽後感到受寵若驚，「吓？Stephy J我嗰啲‥‥‥嘩，咁好，多謝多謝，受寵若驚呢個，可以寫上Wikipedia，畀Stephy J我啲歌。」Stephy笑問：「咁下次再多多合作啦？」林家謙馬上答應：「得呀，我哋合唱都得。」
之後，家謙和Stephy再合唱《心急人上》，猶如將現場變成大型卡拉OK。家謙再分享：「呢首都係我童年回憶，以前同表姐們喺K房一定會關燈跳唱呢首歌呀。今日表姐佢哋都有嚟呀，叫埋佢哋一齊跳，哈哈‥‥‥」Stephy則笑道：「我今日就係想睇你跳舞！上次你紅館演唱會，我有嚟睇呀！你啲舞蹈，真係睇到我嘩嘩聲，哈哈哈！」
