大殮儀式完畢後，約12時50分，靈柩奉移至富山火葬場，許紹雄女兒許惠菁乘坐靈車抵達火葬場，她手捧父親遺照，跟隨棺木靈柩低頭而行。許紹雄遺孀龍嬿而聯同女婿及其他親友，乘坐旅遊巴到場，見她神情悲傷，要由親友攙扶；契女佘詩曼、梁靖琪和陳敏之哭至鼻子通紅。
有份為好友扶靈的歐陽震華，完成所有儀式後接受訪問，他表示許紹雄是他的大師兄：「佢早我10年，佢（藝訓班）第一期，我第十期，我哋正式結片緣係《賭場風雲》，講我、Benz及三哥（苗僑偉），劇中喺3個好兄弟，頭先係靈堂撞到阿戚同三哥，我同三哥有份幫Benz扶靈，跟住阿戚同我講，嗰陣時最開心係睇住我哋幾個拍《賭場風雲》，估唔到好似劇情咁樣，佢（Benz）走咗先，我聽到呢句說話真係…人就係咁簡單，戲如人生，好似我哋3個戲中做3兄弟，戲中Benz雄走咗，套劇都20年前，2005年拍，大家都有情有義，祝佢去一個佢好想去嘅地方。」
