姜大衛、譚俊彥、郭柏妍、韋家雄、黃庭鋒、胡敏芝、何啟南及監製羅永賢等今日（28日）出席劇集《麻雀樂團》之「天胡開局」記者會。譚俊彥對於女主角李佳芯（Ali）年頭宣布離巢TVB，《麻雀樂團》成為其TVB告別作，她亦未能出席劇集宣傳，令他擔大旗負責宣傳，「大家都好忙，我剛由馬來西亞返嚟，我同佢都有WhatsApp，但佢已經離開吉隆坡，去咗比較偏遠地方工作，佢都好忙，相隔十幾小時都有覆我。我自己無咩壓力（宣傳），之前第一次去宣傳係去馬來西亞及新加坡，大家反應都係好耐無睇呢類溫情劇，但大家只有一個疑問，就係點解會搵我搞笑，當然大家睇咗就知，效果都幾搞笑。」他說開拍前做足功課，「戲外我比較認真，但大家都好團結幫手，花火好得意，我想演喜劇好耐，喜感要做好多功課，我嘅搞笑唔係當場覺得咩好笑，係需要睇好多以前嘅電影或劇集，像許冠文或周星馳，去拎返啲橋出嚟用。」
更多現場圖輯：
