憑《女神配對計劃》爆紅的葉蒨文（Sophie），於母親節公開兒時與母親的合照，留言：「媽媽母親節快樂！雖然我細個你成日鍾意剪我啲頭髮剪到咁，一時左右唔對稱，一時又一忽長一忽短，鑊鑊新鮮鑊鑊甘，但係因為我見你份人有創意有膽識所以唔會嬲你，只希望你唔好再發揮你嘅藝術細胞 #我個瀏海係 M for Mother」！
照片中細細個的Sophie已擁有標緻靚樣，雖然瀏海參差不齊，但無損清秀可愛臉容。至於母親的高顏值同樣吸引，網民大讚母女同是大美人，美貌不單遺傳自媽咪，就連創意同膽識都是；更有笑指媽咪幫她剪的是小丸子髮型，Sophie亦自爆細個「好曳好煩，小丸子嘅化身」。
