《東張西望》昨晚（20日）報道一宗求助個案，由梁敏巧（Maggie）訪問年約40歲女保安Tammy，如何遭同公司的保安主管「郭總」騙財騙色。Tammy指「郭總」自稱富豪，做保安只因不工作很悶，當中Tammy提到「郭總」不時在保安公司向她毛手毛腳，又要求她陪往內地食飯時，衣著要性感一點，原本一直在忍笑的Maggie，即問：「咁佢又著啲咩？」Tammy以「著到好浮誇好似做騷咁」來形容，Maggie突然爆了一句說：「係咪好似安德尊？」Tammy認同說：「係呀，類似啦！」這時Maggie已忍不住在鏡頭前爆笑，隨即向工作人員道歉：「笑咗啊，唔好意思！」
負責這個案旁述的Patrick Sir即謂：「嗱嗱嗱，Maggie，你唔可以攞我哋大王同郭總相比呀！」Maggie也有在ig限時動態轉發相關片段，獲網民讚：「Maggie帶俾我哋歡樂，妳笑得好甜呀」！亦有網民指「《東張》主持成日都忍笑忍得辛苦，今次終於搞到敏巧姐破功」；亦有戥安德尊感無辜，「躺下都中箭」！
