葉蒨文抱病拍《女神》大結局　 2日瞓3粒鐘撐到凌晨入院就醫

在《女神配對計劃》中備受關注的葉蒨文（Sophie），與曾展望能否成功配對仍然存有不少變數，但原來節目已錄製大結局。Sophie在開工前一晚，於社交網曬出幾包藥，留言：「希望食完啲藥瞓一覺，聽日就好返好多；希望拍攝順利，可以有精神去約會！大家幫我集氣啊～呢兩日真係好緊要㗎！」

Sophie受訪稱患上咗流感及支氣管炎，仍然抱病上陣，因為是最後一日拍攝。今日凌晨1時，她貼上到醫院睇醫生的輪籌紙，留言：「5/8/2025，拍完大結局即刻入醫院睇醫生，真係好難忘，兩日瞓咗三個鐘，全憑意志力堅持住，但係今日收穫咗好多感動，一切都值得！#女神配對計劃 #順利完成」。