胡定欣今日在社交網上載了兩張跟父親合照的相片，並寫上「Daddy…HAPPY 70th BIRTHDAY❤️🫶🏽祝您身體健康! 開開心心! FOREVER YOUNG!~」
今年70歲的胡爸爸除了一頭白髮外，相貌卻好年輕，一點也不像70歲，連好友陳敏之都恭賀，更寫上「Happy Birthday 靚仔Uncle❤️」而譚俊彥、陳自瑤、陳煒及袁偉豪也送上祝福。
胡定欣的父親曾經營海味舖，本是家族祖業，不過2002年因生意失敗而結業,胡爸爸一向做生意未打過工，所以胡定欣當年主動撐起頭家，並供弟弟讀大學，而胡定欣跟父母關係好好，又經常陪伴二老，年初愛上網球的定欣更帶埋父親齊齊落場打波，增進父女感情，當時她寫道：「好開心！我終於揾到一項球類運動有興趣啦！最重要係可以同Daddy一齊學一齊玩，一齊做運動，又可以多個話題！第一次玩，鍾意左（咗）！」
