麥明詩雖然已淡出幕前轉行做律師，但與《#後生仔傾吓偈》一眾好友感情依然深厚。適逢農曆新年，她邀請馮盈盈、陸浩明與女友，以及多位幕後舊戰友到家中聚會，齊齊打邊爐、打麻雀，場面熱鬧。
麥明詩昨日（21日）在社交平台分享合照，丈夫盛勁為與兒子也有入鏡，不過BB的容貌就未有曝光。她搞笑寫道：「由《#後生仔傾吓偈》到《#後生仔死老鬼》，感恩咁多年之後，聚埋一齊講嘅嘢都一樣係咁戇居。」簡單一句話道出眾人多年不變的友誼。
陸浩明亦曬出合照，興奮分享：「過年梗係要聚聚~齊齊到盛宅拜年，嚟個打邊爐打麻雀，加老best傾吓偈。三大元老加埋Mr.R加埋真係新春吹水吹唔停。阿仔又大個咗，好得意好鍾意望鏡頭，似足媽咪。」他更透露自己十年沒有打麻將，最後竟食出一鋪清一色，大呼好意頭。他還向麥明詩催生：「Louisa，快啲生多啲！期待今年搞個Re-U同班後生仔聚聚。」
照片曝光後，大批網民紛紛留言大呼回憶湧現，更敲碗期待《#後生仔傾吓偈》原班人馬能夠再度合體，甚至希望有《#後生仔傾吓偈2》的誕生。
馮盈盈、陸浩明、麥明詩主持的《#後生仔傾吓偈》深受年輕觀眾歡迎。
