新城廣播新節目《新城任務35》，第一集由王灝兒（JW）擔任主持，請來她形容為相識「足足一世」的中學同學馬天佑做嘉賓。JW在中學年代經常參加歌唱比賽，令馬天佑印象深刻，他表示：「佢一開口……嘩！天籟之音呀！」之後馬天佑在倫敦時，參與school tour演唱，兩人惺惺相惜，JW透露老友：「佢細個已經好有膽識，諗到就會去做。」。他們曾經在不同時間簽約黎明的公司做歌手，JW的生日在6月18日，馬天佑是前一日6月17日，多年來經常一同慶生；甚至有一次同遊黃大仙求籤，竟先後求得同一支籤；JW笑言兩人同屬雙子座，適應力強得「超級無敵」。
馬天佑自言會「完全睇晒網民對我的批評，我要知道個世界喺度諗咩」，無論大眾說甚麼都不會受影響，難聽的說話也完全沒有感覺。他指JW容易受輿論影響，向她建議：「你逼自己睇，學習麻痺自己個心會更好啲」，你記住：「所有撐你嘅人係唔會出聲，我撐你，但唔會日日話俾人聽我撐你。」馬天佑又透露出席時裝周風光背後的辛酸史，原來鏡頭前光鮮亮麗影靚相，背後全靠自己一手一腳搞化妝、整頭、拖行李箱衝場，JW大呻曾經試過陪他去時裝周，個人花費竟達六位數字。
馬天佑圈中朋友多，對於人情牌，他堅持合作必須令雙方win win，絕不會搵人「衝業績」。兩人又大爆在合作上，不約而同曾被某藝人出賣，他們選擇不開名，馬天佑坦言：「你睇我哋unfollow咗邊個咪知囉」。兩人不斷爆料，聲稱與此人面左左，JW笑稱再爆落去，擔心今次會變成她唯一做主持的節目了。
更多圖輯：
