「世界劍擊錦標賽2026」男子花劍決賽昨晚（28日）於亞博館舉行，由蔡俊彥、張家朗、何承謙、梁千雨組成的港隊，對戰現任團體「世一」，由Guillaume Bianchi、Filippo Macchi、Tommaso Marini組成的意大利，港隊最終以44：45惜負，意大利衛冕，而團體世界排名第3位的港隊，亦寫下於團體賽的歷史最佳成績，獲得亞軍。
決賽由張家朗打頭陣，第一局取得5：4為港隊領先，第二局蔡俊彥5：5打成平手，第三局小將何承謙贏5：4，打完三局之後，港隊領先15：13。第四局張家朗再出戰，贏5：2，將領先優勢擴大，第五局何承謙贏5：4，第六局蔡俊彥以5：6稍輸一分，但港隊總分仍以30：25領先。戰至最後三局，何承謙再以5：4勝出，他於三局同樣打出5：4佳績，第八局張家朗稍輸兩分，打出5：7，以總分40：36的領先優勢交捧給「守尾門」的蔡俊彥，蔡俊彥被對手反超至43：44，即使後來追至44：44，不過最終仍以負一劍44：45落敗，蔡俊彥在這局打出4：9成績。
賽後港隊在賽場中央受訪，蔡俊彥率先說：「好對唔住！我嘅隊友今日打得非常之好，亦都好多謝各位嘅支持，希望將來可以彌補到呢個遺憾啦！」張家朗回應：「唔好對唔住先，我哋係一個Team嚟㗎嘛，一齊去承受所有嘢，大家都有贏有輸嘅時候，起碼我哋俾一場好好既比賽香港觀眾睇。」家朗日前在個人賽對戰俄羅斯劍手Kirill Borodachev以2：15落敗，他自言個人賽失利沒有造成太大影響，專心準備團體賽，「今日覺得好開心，咁多香港市民支持我哋！」
後來接受傳媒訪問時，家朗大讚世青賽「少年組個人賽」金牌得主、年僅17的何承謙，「我17歲嗰陣都唔知自己做緊乜嘢，佢哋年青劍手帶俾我哋新既衝擊。」主教練基連對何承謙的表現給予11分（10分滿分），何承謙對自己在決賽表現好滿意，「能打到自己嘅101% ，我無因為場上既人或裁判而受到影響，希望可以保持呢個心態打落去。」
蔡俊彥賽後在社交平台發文：「好吧，我唔怪自己啦……」他上載了三張腿部有瘀傷的照片，寫道：「而家係斷咗定撕裂多幾多都未知，非常感謝體育學院職員，物理治療師，營養師，呢兩個月嘅悉心照顧。」他感謝隊友，「我好自責，因為我好希望以最美好嘅結局完成呢個賽季。承你地貴言，我地一TEAM人共同進退！留返LA！好啦！冇咩事我休息啦，終於放假了～」
更多圖輯：
部分圖片：蔡俊彥@instagram
