剛過去嘅星期日（20日）係父親節正日，喺《殺出個黃昏》做男主角嘅謝賢（四哥）處男下海親自去咗戲院向觀眾謝票，受傳媒訪問時更表示同新演員零代溝。
《殺出個黃昏》男主角四哥於父親節正日攜同監製家棟、導演高子彬到鑽石山百老匯荷里活戲院謝票，現場有影迷大舉手幅迎接偶像，全場觀眾超級興奮，更掌聲不絕，歡呼聲此起彼落！有觀眾要求四哥即場獻唱電影片尾曲《倦》，但四哥笑言：「留返下部，到時我唱主題曲，如果我唔唱你咪同我絕交囉！哈哈！」四哥於謝票後接受電影公司訪問，對於今次處男謝票，四哥表示掌聲是屬於大家的，他興奮表示：「好多影迷由細睇到我大，睇到我今時今日，多謝佢哋嘅擁抱。」
點擊睇更多現場相：
謝賢問到這部電影跟很多新生代演員合作，有代溝嗎？他笑說：「我仲後生過佢哋，真係㗎！我做啲嘢佢地唔敢做㗎，有時講笑呀，講嘢失禮啲，佢哋唔敢㗎你知唔知？佢哋見到我好似一個老師咁，所以我真係好錫佢哋㗎。」他更大爆是次拍攝未有教新演員演戲：「呢啲冇得教㗎，我做咗電影咁耐，演技係發自內心，呢個係我咁多年嘅經驗。因為我一世人未做過其他嘢，淨係做電影！」
