香港連日暴雨，昨日（5日）的黑色暴雨警告信號，更歷時逾11小時，堪稱「長命黑雨」。楊卓娜昨午就在社交網發長文指「可惡嘅黑雨」，令她「疲於奔命的12小時」。
楊卓娜詳述昨日自凌晨起因為黑雨的種種經歷，令她昨日出發外遊時忘記帶護照，幾經辛苦由工人姐姐把護照拿到機場給她，但都趕不及登原定班機，要轉飛下一班，只能望着老公和女兒「豹豹」先行上機，但她仍慶幸：「無端端賺咗幾個鐘頭me time，可以好好行吓街，喺機場食個靚lunch，上機之後就可以好好補眠尋晚欠咗嘅美容覺！經一事長一智，下次真係要小心啲，拎咗Passport Holder，唔等於拎咗Passport㗎！反省完畢，繼續食嘢！」
楊卓娜隨後陸續更新抵埗情況，與在機場等了她4粒鐘的老公楊志翹，來個自拍合照，留言：「夜晚9:40pm，終於喺機場見到呢位拾遺者（我係嗰粒滄海遺珠），佢見到我即刻扮可憐，真心想錫佢一啖，一條友，喺一個5分鐘行完嘅機場，足足等咗4小時，冇得瞓，又冇乜好嘢食」；她又多謝好友們先行幫他們帶女兒日前往他們入住的Villa準備晚餐，奔波勞碌了一日，終於等到團聚。
雖然楊卓娜沒透露旅遊地點，但當她上載入住的酒店環境片段，並表示有酒店管家煮定餸留給他們吃後，有網民指是蘇梅島W酒店度假村，難怪超級豪華，獨立別墅配有私人泳池。今早她還未睡醒，就有一隊兵衝入房間執拾以便幫她按摩。她留言：「房間即刻響起好輕柔，好relax嘅Spa音樂，爭啲以為自己被時空轉移，去咗另外一個地方。不過對我呢個骨精嚟講，我更喜歡中式按摩，經絡推拿，因為佢哋嘅手法太流於表面，做不到深層肌肉和經絡的放鬆，一句講晒就係唔中穴位」，但仍不忘點名讚美神隊友的細心安排。
