36歲林芊妤（Coffee）今天（7日）於社交網，貼上一家四口的最新全家福，宣布女兒已平安出世，湊成「好」字。
Coffee留言︰「報平安，同時都為大家送上剖腹完嘅第一張全家福。妹妹檢查完暫時健健康康一切安好呀，感恩！而我就到今日都仲喺張牀休息緊未落得牀，真係過咗一日先有力氣出Post同大家報平安。另一個重點係彥彥對妹妹真係好溫柔！」Coffee感謝其主診醫生及醫護團隊，尤其醫生從她7年前第一次懷孕，到3年前小產，再到今次的「過山車」嚇人經歷，一直給予專業知識及照顧。
Coffee今次懷孕時一度因胎兒的健康問題而擔心得哭成淚人，期間獲得大批網民打氣及鼓勵。她對一眾網民表示︰「最後最後要同一班網絡契媽講一聲I love you，因為全靠你哋嘅祝福先令我有無限勇氣走過呢段孕期，亦都因為你哋真誠嘅祝福令BB健健康康咁出世。」
