無綫新劇《正義女神》昨晚（30日）香港首播，總監製鍾澍佳、佘詩曼、譚耀文、陳煒、周嘉洛、馬貫東、蔣祖曼、黃庭鋒、劉倬昕、丘梓謙、黎澤恩、鄧智堅、林俊其、劉展霆、林智樂、文頌嫻、許惠菁等到商場與觀眾一起睇直播。
佘詩曼與譚耀文自22年前合演《無名天使3D》後，再度合作，阿譚指大家沒有隔膜，阿佘覺得二人在現實中的關係，好迎合角色的感覺，他們合演已離婚的夫婦，但因工作關係經常碰面，似生疏但卻熟落。阿譚透露阿佘經常萬歲，「深圳、廣州啲燒雞好好食，佢一人請一隻！」阿佘表示見到大家工作辛苦，故預備了美味春雞，又指阿譚也有請大家飲咖啡。
對於有指劇情與韓劇《少年法庭》相似，阿佘認為每個地方都有少年犯罪問題，希望透過劇集引起大眾關注，令青少年罪犯在適當的懲罰中有改過自身機會。文頌嫻透露鍾澍佳透過阿佘邀她演出，「阿佘好嚴肅咁同我講，我嘅角色對套劇好重要，好有壓力！」文女直言現在有戲癮，希望下次可以拍喜劇。
這劇是許紹雄遺作，有份出席活動的許惠菁指爸爸的角色是個慈祥、心軟和嚴肅的人，跟他經常演繹的搞笑角色截然不同，「現實中嘅爹哋一樣慈祥，咁大個女佢都冇鬧過我，有咩問題都會好理性、和平，坐低同我傾。」
丘梓謙飾演少年犯，要演繹15歲至35歲的階段好有挑戰性，劇中與許紹雄及康華合演一家三口，他透露於內地拍攝期間，「一家人」經常聚在一起，「會一齊放飯，Benz哥唔熟電子嘢，會叫我『阿仔』幫佢搞電話Apps，啲爸爸通常都係咁，佢又成日講笑，你朝頭早好攰聽完即刻醒晒！」另外兩人有場交心戲，「我到而家都唔敢睇完整版本，怕勾起好多回憶。」丘梓謙早前與拍拖12年的女友麥皓兒分手，他表示大家是經過溝通後和平分手，現時關係如家人一樣，多年來他們有個共識，趁年輕先於事業上衝刺。
更多現場圖輯：
