鼎爺為證自己所言屬實，及揭破有人不斷講大話，決定公開與泳漢的WhatsApp錄音及電話錄音。泳漢謀算鼎爺其中200萬身家，「喂，你咁樣做人唔得喎！你有冇搞x錯，嗰日同你兜口兜面講，講埋點樣做，5萬蚊一個月，你話你定期8月開始，你有200萬點解俾唔到，又唔係要你一次過俾。我即日已經打咗俾Agent，認咗張單，簽咗啦喎！」又指當日唔俾鼎爺離開，是要迫他「認咗條數」。
鼎爺去年告知泳漢，不獲無綫續約，收入大減，希望能減少供養他一家的金額，但泳漢立即發爛渣，指鼎爺出「屎橋」想「趕絕」他，認為鼎爺應份供養兒孫，及為他孭48萬欠款及找卡數。鼎爺表示自己年紀大，已經支持唔住，勸泳漢與太太找工作養家，泳漢即搶白：「我高中畢業學歷都冇，45歲，出去做售貨員都冇人請。」並以與母親施明同住的九龍塘碧涵別墅屋契作要脅，「依家屋契喺我手，我掟x咗去銀行，你吹呀！我仲有好多嘢玩。」
更多圖輯：
