方力申入行26年首個紅館演唱會《Perfect Moment最佳時間演唱會》頭場昨晚（15日）舉行。小方為今次開騷除了練歌之外，亦落力練舞及健身，一次過大曬冷，毫不吝嗇健身成果。他穿着白背心跳唱《超速搖搖》主題曲《超速龍球》，露出結實手臂，緊接的是今次演唱會主題曲《万刀甲》，他罕有跳舞之餘，又做出蜈蚣彈、倒立等多個高難度動作，但更令全場尖叫的是他脫去上衣，谷盡一身爆肌，贏得觀眾熱烈掌聲。小方說：「應承大家要除啲嘢，我除咗㗎喇，本來瘦啲㗎，但係太瘦呢，無氣呀，要食返啲飯！健康啲就得㗎啦，游水都係咁。」而他跳唱時有多名衣着性感的女Dancers，不過小方就全程目不斜視，眼睛指向前望，即使擊掌也不敢看向身旁的Dancers一眼，並指：「你哋犀利呀，我結咗婚㗎喇，唔敢望你哋呀！淨係踩台先至見到佢哋着成咁㗎咋，OK？辛苦晒，你哋落去啦！」
自從女兒方愛嘉（Isla）去年12月出世後，小方即變成「寵女狂魔」，而頭場太太葉萱（Maple）亦抱着6個月大的Isla，到場見證爸爸的人生大事，小方的爸爸、媽媽及弟弟都有同行。由於現場燈光刺眼及音量太大，所以小Isla戴着太陽眼鏡和耳罩捧場，但期間亦有手舞足蹈。現場傳媒與觀眾在旁拍攝即時引起一點混亂，開騷時Isla除下太陽眼鏡，並戴上耳筒來保護聽力。小方唱完《就是這麼愛你》及《How I miss you》時表示：「放棄咗十幾年嘅紅館夢，冇諗過入行26年可以實現到，喺我爸爸媽媽、細佬、太太、我個女，仲有我契媽、契仔、契女嘅面前，見證住我今日呢個，係我人生嘅最佳時間，但更加要多謝嘅係你哋送咗呢份最佳禮物畀我！」之後他跟現場觀眾打招呼，當講完「山頂嘅朋友你們好嗎？」方力申表示，入行20幾年恨講這句話已久，現在終於可以講，多謝大家。小方又說：「多謝大家花時間陪伴我渡過第一晚紅館演唱會，有很多朋友也來了，同事問我有沒有請朋友來，但我是內斂的人面皮很薄，又唔鍾意逼人來的感覺，所以很感激大家來。」他打趣地表示這兩天特別多朋友傳短訊給他，笑言：「收到的短訊多過恭喜我結婚，因為這次身邊很多朋友替我高興，能夠行到這裏真的很感激我的朋友。」
率先登場的是《百分百感覺》經典拍檔陳曉東（東東）、周勵淇及李彩華（Rain）。小方指幾位是他最先找的嘉賓，問現場有幾多人睇過《百分百感覺》，又提到當年拍劇時自己還是大學生：「嗰時我左手攞住notes，右手攞住劇本，完咗之後就係陳曉東揸住法拉利車我返屋企。你知唔知個位得一個？唔係車我就係……呀？但係佢揀我！」之後Rain即說陳曉東都有車過自己。陳曉東指小方以新人姿態拍劇，小方即說：「Rain都係我師姐，早我一年！我係大過你好多，不過你出道早啫。」陳曉東就爆料指小方拍劇時當漫畫去演，很多表情，隨即被Rain笑說很浮誇。
四人一起合唱《兩男一女》，之後小方訪問在場有多少人看過劇集《百分百感覺》，他表示在巡迴演出時粉絲與他爭着唱這首歌，都是20多年前的事。陳曉東表示，拍完劇集之後四人首次同台合唱這首歌。接下來四位再合唱小方與鄧麗欣的《十．分愛》，分成兩組去台左右跟觀眾握手，周勵淇跟小方一組，她表示自己跟住他海報上的造型穿粉紅色，結果他卻穿白色西裝。此外，小方亦請來曾合作《美女廚房》的兄弟鄭中基、梁漢文擔任嘉賓。
天后陳慧琳（Kelly）也是這晚的嘉賓，事前很多網民關心小方會跟誰合唱過往跟鄧麗欣的合唱歌，原來除了周勵淇便是Kelly。早前二人已經在Kelly的演唱會廣州站合唱過《好心好報》，今次輪到香港粉絲有得睇。小方說知道自己開show已很想請Kelly做嘉賓，但實際上不認識對方，於是找雷頌德搭路：「佢話Kelly好好人，你幫過佢，佢一定會幫返你。」Kelly回話：「好心好報吖嘛！」小方更透露，取得Kelly經理人鍾珍電話後，戰戰兢兢聯絡對方：「佢冇講你個期得唔得，佢話我好鍾意睇你同個女沖涼喎！我成日都follow佢㗎喎。」
Kelly說：「嗱，我以前唔follow你嘅，我而家都睇你個女沖涼！好唔好睇呀大家？好搞笑呀佢個女。」而小方就感謝Kelly follow自己及睇在女兒份上答應做嘉賓，又指去年父親節宣佈太太懷孕翌日，馬上收到紅館檔期，證明囡囡Isla腳頭好。之後兩位更邀請演唱會監製鄧建明（Joey Tang）演繹Kelly與DRY的《紀念日》，笑稱「DRY」是「乾組合」。小方在Encore前獨唱《好好戀愛》，而Encore後唱了《自導自戀》後，他再唱出另一首經典合唱歌，是他與傅穎的《自欺欺人》，更遞咪畀現場女觀眾一人一句齊齊合唱；最後，他唱出《你記得嗎》、《隨傳隨到》、《大細心》後便完場。
豈料頭場圓滿結束後，今日（16日）卻驚傳小方受傷的消息。為了以最佳狀態迎戰今晚的尾場演出，小方這兩天特意暫住酒店。今早他更趁空檔到酒店泳池「重操故業」，打算輕鬆暢泳放鬆神經，怎料「飛魚」都有失手時。小方在社交平台透露，自己僅僅游了15分鐘，上水準備換褲時竟然不慎「閃親條腰」，情況令人擔憂。幸好小方人緣甚廣，受傷後隨即聯絡好友，十萬火急將他送到尖沙咀看骨醫，隨後再到中環進行物理治療。小方更在限時動態中貼出正在接受急救的相片，只見他面露痛苦之色，但仍不忘向歌迷承諾會盡全力恢復，表示：「應承大家我會盡力恢復，希望今晚跳到，食咗止痛藥、消炎藥，不過如果跳唔到，衫都會照除。」
