新聞女王｜陳若思演MK妹兇何依婷　全靠佘詩曼出手幫拖

Amber話呢場兇依婷嘅戲，全靠阿佘嘅提議，先至順利完成拍攝。

無綫台慶劇《新聞女王》在香港及內地熱播，在豆瓣分數維持8.2高分，同時榮登「豆瓣一周華語口碑劇集榜」榜首。劇集掀起無數熱話，其中何廣沛去完阿佘家的歸家鐘數均引發熱話，「新聞女王 被睡過的男人11點就得走」登上微博文娛熱搜榜榜首，何廣沛因而獲封「11點哥」。

+5

在劇中飾演凡事與家姊何依婷對着幹的MK妹的陳若思（Amber），雖然以主持J2綜藝節目為主，但今次演出令人眼前一亮，嘴gel gel態度及言之有理的說詞亦讓網民留下深刻印象。Amber受訪坦言是首次入劇組飾演有名字的角色。

機會是留給有準備的人。

為了投入角色，Amber拍攝期間喪loop 90後熱捧的MK song，及看黑社會電影。談到昨晚兇依婷場口，Amber笑言全靠佘詩曼出手幫拖，才順利完成拍攝：「噚晚場戲有句對白係『我唔想郁呀，一係你爬出去囉』我無論點講都講唔好，阿佘就提議我伸直隻腳擋住我家姊，唔俾佢出去，加咗呢個設計後，我即刻覺得成件事順咗。」

阿佘就是提議Amber這腳一伸。

Amber又大讚阿佘與依婷都是很好的前輩：「有一次拍promo，因為前面啲人太高，阿佘見到我俾人擋住，佢就話加個apple box俾我墊高。我覺得佢真係好好人，因為我覺得佢冇必要照顧我，而且仲要咁都留意到。依婷都有分享一啲佢做戲嘅嘢俾我聽，佢話啱啱開始做戲時，冇留意到隻眼要好定，因為眼神其實好重要，咁樣上鏡講嘢，先至會比較有說服力。」

兩位前輩對Amber都好好。