「CENTRESTAGE ELITES」假香港故宮文化博物館舉行，為一連四日在會展舉行的CENTRESTAGE（香港國際時尚匯展）揭開序幕，「CENTRESTAGE ELITES」邀得首位躋身巴黎高級訂製時裝周的香港時裝設計師Robert Wun（雲惟駿）舉行主題為「Home Coming」的時裝展，范冰冰、惠英紅、陳慧琳、何超儀、倪晨曦、鄧麗欣等應邀出席。
惠英紅擔任壓軸模特兒，近年多在內地工作，相隔4年返港開工，心情興奮，她透露行天橋時，見到台下好多熟人，緊張得手震腳震，出席活動後，即返內地繼續為新戲開工。惠英紅指新戲有好多騎馬戲分，膝蓋貼滿膠布，她說：「因為騎咗好耐，膝頭有啲痠痛腳軟，始終都60多歲，而家有啲驚騎馬，唔會騎得好快。」她笑言差不多與內地所有「小鮮肉」和「老臘肉」合作過，但沒有追求者出現，「全部都名草有主，但我唔係旁邊野花，仍然係鮮花。」她好享受開工，覺得最開心，「如果真係退休，相信自己冇而家咁靚」，她認為工作是寄託及習慣，感覺有人需要她是好重要，「但如果我嘅男朋友需要我嘅話，我又唔介意放棄事業。」
更多現場圖輯：
