徐榮與太太結婚20周年，他社交平台發文慶祝，分享阿女包包負責掌鏡，兩公婆食住麥記慶祝瓷婚的照片，還有昔日的婚照，留言：「話咁快就20年，由當初兩個人，到今日一齊行到『瓷婚』。多謝你一直以來嘅包容、愛護，同埋無數次嘅『盲目支持』，未來嘅日子，繼續互相指教！20周年快樂，My Best Friend & Love of my life!」
除獲毛舜筠和一眾網民留言祝賀，因為有20年前婚照做對比，網民不禁讚嘆：「你同太太都無咩點走樣，好厲害呀」！
