張佳添（Clayton）今日（22日）在社交平台發文，澄清有周刊指他背住甄采浠（甄詠珊）冧索女的報道。他強調報道中與他在港鐵車廂內傾談的女士，是一位認識二十多年的老朋友，最重要的一點，是照片拍攝於2023年12月，Clayton表示見到及認識拍攝的人，「暫時如果冇乜必要，喺呢度唔公開佢係邊個，因為畢竟心胸廣闊的我都仍然想俾返幾分薄面大家。」但為何舊相會當作新相去報道？「咁我留待讀者去思考一下了，但正如蘇永康十幾廿年前嘅相都攞返出嚟刊登，當作係最近的，我呢啲濕濕碎啦。」
另外，Clayton更正報道中指甄采浠是其女友的講法，「我們是互相欣賞和關心的好朋友，甚至有過朋友以上，戀人未滿的階段，但從來沒有建立到男女朋友關係。所以雖然我哋曾經有交往過，但肯定沒有發展到那地步。」Clayton指離婚多年，做人態度一直是「少少風流而不下流」的冇腳雀仔，亦好可能下輩子就會這樣自由奔放的度過。
黃敬佩、甄詠珊
Clayton再指刊登認錯人，刊登了一張錯指為甄詠珊與他的前妻黃敬佩的合照，他附上一張兩人合照以證真偽。Clayton最後作出呼籲：「如果世間真的有任何有愛心和美貌智慧的女士可以俘虜呢個中年單身麻甩浪子的『芳心』，亦真心希望她可以有一日出現在我生命。因為有時都覺得個森林雖然又大又有趣好玩，但如果真係能夠搵到一棵茂盛的大樹歇一歇，浪子不再，可能會係更香甜的花生？」
更多圖輯：
部分圖片來源：張佳添、甄詠珊@facebook
