《女神配對計劃 最後告白》昨晚（8日）播出第一集，五位女神憑藉簡單字條及Message，於限時40分鐘內在學校滿場飛尋找自己組別的求愛勇者；如何分配40分鐘，完全取決於女神心意及緣份。在這個回合得到最少分鐘數的五位男生將被淘汰，今集沒有保護名單、時間決定一切。
昨晚一集圖輯：
憑昨晚一集在網絡榮升「浪漫男神」icon的葉蒨文（Sophie）組林堡熙（Eddie）。因為Sophie在Dating Camp說過自己很想與拍拖六年半的前度去日本旅行而沒去成，Eddie一直將事件放在心中；對Sophie一條心的他、遂把握昨晚告白機會、於正式開拍前五天獨自飛往日本、以第一身角度為Sophie拍攝「不完全4D日本探索之旅」，並趕工於拍攝當天剪好成片。Sophie：「喺節目未有定論時，你咁主動做咗呢件事，我覺得好Man咯。」
Eddie於Sophie看畢後，將在日本購得的玉桂狗掛飾及書包送給女神，令Sophie勁感動，她事後接受製作組訪問，仍是為Eddie的心意感動到淚流不斷：「我見到和服，肉桂狗，一齊去睇風景，全部都係我講過我想做嘅嘢。」期間還夾雜着感動及心痛謂：「原來一個男人話做，真係可以扚起心肝去做，仲可以做咁多，我仲要未成為佢女朋友，我會覺得呢份禮物好重。」
今晚一集圖輯：
另邊廂默默等待Sophie的曾展望GM慘變望妻石，連續兩集GM都無限呼冤；為吸引到不知身在何方的Sophie注意，GM在今晚一集將出盡奇招，包括「犯規開門」、抹走班房窗子上的水蒸氣、大聲唉聲嘆氣，並Keep住碎碎唸：「起碼要見到呢度有著燈，係咪先」、「埋嚟睇埋嚟揀呀喂！」
至於在第一集被黃家俊（Matthew）的自衛術嚇到花容失色的關嘉敏（Carman），這一集終於擺脫暴力到教職員室找上細John，並品嚐姜卓文（細John）為她悉心炮製的「定情頭盤」—牛肉他他，但當二人齊齊品嚐牛肉他他時，細John不但首度提及自己有焦慮症、及近日因工作量上升壓力爆煲令焦慮症變得嚴重，更坦認一度有退出這節目的念頭。細John：「其實真係唔係你唔好，或者我覺得你唔夠好，其實呢段時間我個人都好down，我瞓醒覺就覺得好大壓力。」全程對細John情況感到諒解的Carman，心痛男方的同時，亦不忘表達了對自己的疼惜：「其實我驚我太過主動嚇親你，我未試過追一個男仔，而且我係參加《女神配對計劃》（節目設定為男追女）…你知唔知出到街，啲觀眾同我講，Carman你加油呀！」
