周秀娜、鄧麗欣、江𤒹生、栢天男、林熙彤、謝咏欣、黃耀煌等，昨晚（9日）出席電影《大分瓶》首映。周秀娜早前遭李家誠入稟控告誹謗及騷擾，惹上官司後首度現身公開場合，被問到事情進展，周秀娜說：「唔回應，多謝大家。」再追問曾經表示深感委屈的她，心情可有好轉？她回應：「今日就首映，主力講電影，開心呀，自己都未睇呢套戲，都想知道自己做成點」，她透露用鏡頭遷就拍攝，其實是打唔中。周秀娜之前只曾打過一、兩次保齡，為拍戲接受訓練，但期間拉傷膊頭，笑言最初唔識打時，亂掟都會中，但後來追求姿勢正確，竟愈打愈差。
鄧麗欣在片中遇上渣男栢天男，少女時期誕下女兒，所以她的角色有個十幾歲的女兒謝咏欣，Stephy曾經做過母親角色，但女兒只有幾歲，今次卻是十幾歲，她覺得是個大挑戰。對於有網民希望Stephy擔任方力申演唱會嘉賓，Stephy反問：「睇吓佢過唔過到關先？」被問到如果小方過到關，她是否介意？Stephy說：「我冇話介意，但睇吓大家想唔想睇先？」
更多現場圖輯：
