周星馳為宣傳新片《功夫女足》，率劉嘉玲、聯合導演林子聰及參演演員蔡思貝、張繼聰，接受TVB《一周星星》主持黎芷珊訪問。近年鮮有接受媒體專訪的星爺，今次破格亮相節目，全因與芷珊識於微時。
芷珊完成訪問工作後接受官方訪問時表示：「《一周星星》諗住派我出去成數會高啲，點知真係成功咗，可能佢見到係熟人所以應承。」芷珊與星爺的緣份始於TVB經典兒童節目《430穿梭機》，當被問及初相識對方時印象如何，芷珊竟然以「怪怪地」形容，更憶起一幕剛加入《430穿梭機》與星爺在沙灘上拍外景的難忘畫面：「喺沙灘上介紹我係新主持，佢係自己行開咗，玩緊一隻浮咗上沙灘嘅水母。」星爺的這份「無厘頭」見面禮，至今令芷珊印象深刻。
星爺的「周式幽默」至今影響不少人，在芷珊眼中，星爺年少時期已充滿創作天賦，隨時隨地可以將生活瑣碎事戲劇化：「佢係天馬行空、創造力同觀察力都好高」，又透露自己曾是星爺「笑點測試員」：「佢會成日喺你身上嘗試佢嘅天馬行空，佢諗到咩嘢佢會講畀你聽，睇吓你笑唔笑，Test自己嘅想法，到底中唔中呢？」
芷珊接受訪問時坦承今次任務確實有心理壓力：「開頭都有啲擔心，近年睇佢一啲訪問，我好驚佢一句起兩句止。」芷珊笑言未做訪問前，自覺難度指數是8分（滿分10分），但一切憂慮在星爺開始錄影一刻便全消：「一見到佢入嚟同大家打招呼，我就知道搞掂，見返老朋友嘅感覺。」又透露星爺每次見到她，第一句必問：「點解你個樣冇變過嘅？」氹得芷珊非常開心，她還用「感覺依舊」來形容這段橫跨數十載的友情。
今集精采位是，同場的劉嘉玲成為了芷珊的「最強助攻」。芷珊透露在今次訪問中每當遇到星爺想避開的話題，例如被追問「點解而家唔再做幕前」，畫面就會變得相當有趣，芷珊：「有時逼得佢緊要，你會見到佢轉移話題，我係會收聲，但係嘉玲姐會繼續逼迫佢。」芷珊還透露星爺在節目中答應了一個創舉。
