呂慧儀雖然是單親媽媽，又要忙拍處境劇《愛．回家之開心速遞》，但對兒子「蟹籽」的陪伴與愛從不缺少。近日她在社交網分享11歲囝囝參加游泳學校於復活節舉辦的全港爭霸戰，她表示賽前一晚，蟹籽跟她說：「佢覺得今次唔會攞到獎牌，因為泳隊啲人好勁游得好快。我同佢講，你都游得唔慢，從來參加比賽都係用嚟check吓自己個水平去到邊度，係用嚟挑戰自己，今次你係升咗level游高一級對手當然係勁啲，只要你贏到自己嘅PB，媽咪就好戥你開心！獎唔獎牌都係bonus，最緊要贏到以前嘅自己。」
鼓勵完阿仔，呂慧儀亦自爆：「其實我喺旁邊睇你游水，都係屏息靜氣，鬼死咁緊張。見到你自己好緊張個樣，心裏面其實又覺得好正，成長就係要有少少風浪嚇一嚇自己，你經歷過之後就又大個啲㗎喇！」結果蟹籽好叻仔，「自由式同蛙式都快咗3秒，蛙式仲攞到銅牌，yeah！我又有得同你慶祝喇！」不過她最後補充，阿仔話游完水咁攰，不如返屋企打機算啦！並表示好想食薯條同打機啊！這就是她的復活節假期。
