谷婭溦
谷婭溦繼早前疑似不滿被某位前輩緊盯，在社交網爆Seed出Po，引來張崇德發文澄清的風波後，日前（4日）她發文竟是宣布將暫別《中年好聲音4》評審崗位，並解釋離開原因，是因往後下來的工作排太緊密，難以兼顧《中4》評審工作。
昨晚（6日）鄧兆尊在與吳家樂主持的網台節目上提及此事，也表示主因是谷婭溦6月要演粵劇音樂劇撞期所致，但又透露當中另有一些「輕微」原因。兆尊以拍劇原理舉例如何選男女主角：「資本方出錢話事㗎嘛，有啲可能資本方覺得，呢個女仔比較有啲問題出現咗，可唔可以搵個人頂一頂佢，呢個情形發生有可能嘅。」
吳家樂、鄧兆尊
吳家樂隨即轉話題猜做由誰頂替谷婭溦常駐評審之位，包括網上不少人猜測的伍仲衡、張崇德等。伍仲衡自《中聲》第一季開始就擔任評判，與周國豐同因評分手緊被封「左右門神」，但在《中3》舉行時，他因為簽了《校園好聲音》冠軍洪心怡，被指截了TVB糊，隨即遭踢出《中3》評審之列，不過近日有傳他與洪心怡的合作關係有變，兆尊與家樂對伍仲衡再任《中聲》評審，表示「呢個世界冇永遠嘅敵人」。
不過伍仲衡今日（7日）在社交網出Po，斬釘截鐵留言：「我已經不會回頭你別強求，我食慣魚翅你食罐頭，我喝酒幾秒過後馬上作嘔，請你別嫌我本身太誠實，太口臭」，當中有粉絲留言：「阿sir，你係一隻好馬，但如果真係有機會再做評判，我哋會有好多人捧你的，求下你，你做啦」！亦有人力撐他：「商業社會有乜所謂啱做就做！唔高興就唔做！」並有人借用歌詞笑指：「世事沒如果別再期盼如果，明明放低的你經已唱新歌」。
