香港網球一哥黃澤林（Coleman）今早（2日）在名古屋亞運男單4強賽，對戰上屆亞運銅牌得主、烏茲別克球手蘇坦諾夫，以盤數2：1取勝。創歷史殺入亞運網球男單決賽，坐銀望金，為香港鎖定歷史上首面亞運網球單打獎牌。
黃澤林今屆以頭號種子出戰，直入次圈，接連淘汰約旦球手薩德艾馬殊尼、上屆銀牌得主日本綿貫陽介及泰國球手薩姆里吉晉級，躋身4強。黃澤林今早面對世界排名第439位的蘇坦諾夫，以3：6先失一盤，在第二盤，Coleman曾經以2：3落後，後來追至3：3，最終以6：3扳回一盤，逼入決勝盤。Coleman以2：0領先，蘇坦諾夫追至1：2時因腳傷請求治理，及後Coleman愈戰愈勇，將比分拉開至5：2，最終在自己的發球局中，錄得一記發球直接得分（Ace球），並以「Love game」收下比賽贏6：2，盤數2：1反勝，明日決賽對手是今屆賽事被列為第2號種子、國家隊球手吳易昺。
Coleman於賽後受訪，他表示每一場都好難打，「嚟之前都預計到大家會拚盡全力，一開始我有少少未入局，對手又打得好好，但我一路相信，我會搵到我嘅節奏，咁去到尾既時候，慢慢攞返個節奏，就打返好啲，好開心今日可以捱過到，今日呢一場一啲都唔容易。」在先失一盤，第二盤早段被「破發」，Coleman坦承當時沒有想太多，只有再來過，逐分去打，「搵啲嘢去救自己，練咗咁多波，就係為咗喺呢種時刻發揮出嚟。」Coleman表示要盡快去休息，準備明日舉行的決賽，「好想幫香港攞返塊牌，我哋未攞過，尤其是單打，決賽繼續衝。」
部分圖片來源：吳易昺@微博