圈中向來玩得的古巨基與程人富，日前膽粗粗現身匹克球（Pickleball）場地，向中國香港匹克球代表隊下戰書！原來古Sir秘密練兵數月，就是為了一嘗對戰港隊的滋味，面對技術高自己幾十班的球手，他賽前豪言：「我哋打Pickleball就唔好怯，怯就輸成世！」不過這句熱血宣言背後，竟暗藏「茅招」——兩人自知功力初階，竟出動「人多蝦人少」戰術，除了他們二人，更帶多八個「影分身」落場，組成「十人軍團」大陣仗應戰，而港隊只得兩名代表上陣，擺明讓賽。比賽訂明規矩，古Sir一隊每輸一分就要淘汰一個「分身」，以最先取得十一分為勝。
比賽開打，港隊先派出女將吳麗萍及林映雪，面對古Sir的十人軍團，雙方開初皆有失誤，但港隊代表技術始終佔優，分數一直領先。打到中段，港隊換入男將李俊瑋及林浚鿋，節奏與力量即時升級，古Sir一邊愈打愈少人，由十個變五個，再變三個，最後只剩古Sir和程人富孤軍作戰。雖然古Sir隊伍偶有得分，整隊開心到跳起，士氣高昂，可惜實力差距明顯，最終港隊以11:7輕取古Sir的十人軍團。
這場友誼賽其實別具意義，目的是為即將出戰「Pickleball世界盃」的中國香港代表隊打氣。據悉港隊將派出26位精英，包括亞洲男子排名第一的王康傑、香港女子排名第一的鄧諾瑤，下月遠赴越南峴港出戰世界盃，連前羽毛球奧運獎牌得主陳念慈亦會復出參賽，可謂星光熠熠。
近期愛上匹克球的古Sir，賽後難掩興奮分享感受：「私底下同幾位球員都有一齊玩，不過今次比賽真係好搞笑！雖然我哋出動人多戰術都係輸，但呢個運動真係好好玩，我呢幾個月都頻頻練波。希望港隊喺嚟緊世界盃拎到好成績，到時大家一齊為佢哋集氣！」他更笑言雖然輸波，但已燃起運動魂：「有時間一定會勤力練波，希望將來我都可以代表港隊！」
