《25+英皇群星演唱會》昨晚（4日）於啟德主場館舉行尾場，剛完成成都個人演唱會的謝霆鋒與容祖兒、古巨基、李克勤、陳慧嫻、Twins、李幸倪、關智斌、衛詩雅、陳家樂、曾比特及VIVA等參與。
Twins打頭陣，關智斌接力，三人勁歌熱舞後，訴說入行多年感受，阿Sa表示百感交集，回想十七歲簽約至今，話未說完，Kenny即插嘴：「做埋人妻啦！嫁埋啦！」全場即時歡呼，阿嬌和應：「可喜可賀呀！」然後他們齊齊多謝經理人霍汶希，Kenny笑言：「點解會咁有慧眼，喺二十幾年前將我哋呢幾個岩岩巉巉嘅人執返嚟？」他自嘲當年頭髮「一支支插晒出嚟」，阿嬌即補刀：「同埋好瘦㗎嘛，瘦骨嶙峋咁樣。」阿Sa聞言大讚：「瘦骨嶙峋！好勁呀你啲中文！」阿嬌得意回應：「梗係啦！」Kenny不甘示弱，反攻阿Sa：「你都唔差呀，由十一吋pizza（面）而家變咗七吋pizza。」阿Sa笑住認：「大pizza變細pizza。」Kenny正想「點評」阿嬌，阿Sa即護航：「佢冇嘢㗎，佢由細靚到大㗎！」阿嬌卻大爆，「你知唔知Mani每一日打電話嚟話：『嬌，減肥呀，阿嬌，記得減肥呀。』」此時阿Sa與Kenny拋出金句：「正所謂肥過瘦過冇醜過！」
古巨基透露因聲帶發炎，昨日更咳出血絲，醫生警告若聲帶受損，必須考慮是否繼續演唱，他請來曾傲棐、黃明德、黎展峯、洪助昇合唱，「我衷心感謝佢哋，因為今日下午我諗我可能需要幫手，佢哋義無反顧一口答應，亦都多謝佢哋特別為我練咗呢一首我哋重新做嘅《勁金K歌》。」他即場承諾：「我答應大家，呢首歌我入錄音室錄一個正正式式嘅版本送俾大家。」
容祖兒連續跳唱十九分鐘，特別鳴謝韓國頂尖舞團WEDEMBOYZ為她編舞，該舞團曾與NCT 127、SEVENTEEN等國際巨星合作，亦是《LIKE JENNIE》的合編舞者。祖兒多謝英皇多年栽培，並宣布：「我會繼續強大。下年！喺度見啦！」
謝霆鋒壓軸演出，與王雙駿及樂隊演繹多首金曲，先送上充滿搖滾風的《逆行》，隨後獻唱《遊樂場》、《非走不可》及《玉蝴蝶》，將「鋒式搖滾」的狂熱再度帶到啟德主場館舞台。霆鋒唱完《玉蝴蝶》後便離台，在派發給記者的Rundown上原定有一首Medley，包括《活著VIVA》、《潛龍勿用》及《不要說謊》等，未有獻唱，演唱會於晚上10時22分完結，較首場縮短了約半個小時。完騷後，英皇娛樂作出回應：「記者收到歌曲流程只是霆鋒的預備歌單，但因為他今天早上才由成都回香港，未能趕及綵排，所以待到場之後讓他選擇自己的歌單。」
更多現場圖輯：
