《中年好聲音3》季軍劉洋，除了是大炮手外，還被指撞樣「曹總」，早有網民提議他加入《愛．回家之開心速遞》演出；劉洋受訪也自覺似樣，並希望像好友李金凱一樣加入《愛．回家》。今午（7日）他在社交網上載與呂慧儀受訪片段，留言：「太開心啦！終於夢想成真，能夠有幸參演《愛．回家之開心速遞》！特別感謝劇組讓我飾演『小曹總』這個有趣的角色，以及感激劇組上下每一位的耐心指導和鼓勵，讓我獲益良多！過程真的既驚喜又難忘～大家記得7月11日晚上8點，準時鎖定收看喔！」
把頭髮梳成七三分界穿上棗紅色西裝的劉洋，受訪稱首次拍劇當然緊張，因為他的粵語不好，但他努力做足準備練習，並獲呂慧儀讚：「佢好叻㗎，有時行位，佢要撞到我嗰啲，佢都好準啲位，但可能因為同一時間，又第一次拍，所以會緊張啲係正常，但我見到佢其實背熟晒啲稿，所以我都同佢講你慢慢講唔使緊張，曹總都係咁嘅。」劉洋隨即賣口乖說對着呂慧儀這麼漂亮他更緊張。
被問到劉洋像不像曹總？呂慧儀說：「好似！跟住我問佢之前有冇睇過曹總啲戲？佢話有，佢睇過曹總追我哋啲戲。」劉洋表示收到劇本後，就把「曹總」演出全都看了。呂慧儀續讚：「佢真係學得好似，曹總嗰啲語氣都好似，大老闆啲架勢都學得好似。」她又爆拍攝時，監製、其他演員都有提醒劉洋，豹哥（單立文）更加傍住他，「所以其實到他真的行出嚟做嘅時候，好似曹總囉，一模一樣！」呂慧儀有信心劉洋演出出街後，觀眾的反應都會跟她一樣：「嘩，曹總呀！」劉洋又爆會開遊艇追求「熊若水」，呂慧儀即笑言：「你要打倒那個龔燁！」
