《愛．回家之開心速遞》本周每集一小時的「全運篇」，昨晚（5日）「運動是王道！」一集，講述「三太」白天娥（樊亦敏飾）於半分鐘內連Show 4套泳衣造型：白色少女網紗裙配可愛孖辮、花俏斗篷式泳衣外搭配「撞色」朱唇披肩、粉紅花系泳衣裙紫色貴婦帽，以及豹紋黑色連身比堅尼！四款浮誇泳衣造型，配以「三太」招牌口頭禪：「威～哥～」，獲一眾網民大讚Keep得好，更是萬人迷。
樊亦敏接受官方訪問時，直言自己多年未試過無遮掩穿著泳裝現身鏡頭：「我上一次咁著住出嚟係選港姐嗰時，都隔咗34年。其實10年前拍劇集《波士早晨》嗰陣都有著，不過嗰陣我出面著咗外衣，所以今次咁樣著住件泳衣咁樣衝出嚟，喺呢個世紀算係『零的突破』！」
樊亦敏亦為拍攝此場做好身形管理功夫：「拍之前會更加注意飲食，另外亦都加長運動時間，甚至會踩單車機，玩爬山機，希望上鏡顯得弗啲！」樊亦敏亦大爆對手羅樂林搞笑反應： 「佢見到我著泳衣出嚟，佢應該冇諗過我會係咁樣，跟住佢成塊面紅晒！」
