阮浩棕與何沛珈
「東張女神」何沛珈與「星三代」阮浩棕分手後，有指兩人因TVB嚴格執行「禁愛令」所致，今日兩人齊齊出席記者會，更大方一起受訪，阮浩棕表示兩人仍然是好朋友，「我哋仲係好朋友，都有聯絡，唔會尷尬，好朋友之外又係同事，而且大家都係專業演員，自己近來都開始做啲司儀工作，而佢喺公司都係一位穩定嘅司儀，未來都有合作機會，唔會尷尬。（係咪和平分手？）我諗我只會講以前係好朋友，現在都係好朋友，最重要各自做好自己工作，發展自己事業，其他嘢唔諗太多。」何沛珈同樣表示不感尷尬，更不介意繼續以熒幕情侶檔搵真銀，「無尷尬呀，大家仍然係好朋友，同一間公司都會有好多合作機會，所以都好歡迎客戶搵我哋一齊做嘢，絕對無問題。」
