由方東昇主持的無綫節目《真相猜．情．尋》，探討發生於1996年，導致香港中國婦女會馮堯敬紀念中學師生5死13傷的八仙嶺山火慘劇，在節目結尾，方東昇的旁白說道︰「如果我哋搵到答案，但無汲取教訓，歷史遲早重演，悲劇只會再臨，到時或者會真正應驗一句話：真相，俾你搵到又點呢？」而當中的「真相，俾你搵到又點呢？」正正是一直被指與山火有關的學生張潤衡，多年前接受網上媒體訪問時說，其後，張潤衡在社交平台回應網民指控，「其實嗰句說話我係被網絡cap圖出嚟斷章取義。我真係唔明啲乜嘢面對傳媒對答問題，我唔係一個受過公關訓練嘅公眾人物。嗰陣時個訪問，問我想唔想知道真相，我嗰一刻個腦都好混亂。你想我點答？」
他再度作出澄清：「山火發生嗰陣，其實我係坐咗喺度玩Game Boy ，聽到老師叫我走，我就即刻走。我點樣知真相？我都唔知真相，我點樣回答？最近都有傳媒cap返嗰陣時我講成段嘅說話，你鍾意嘅可以自己睇番。」他強調從來沒有應承受訪，又指《真相猜．情．尋》節目主持的提問，全部都有引導性，令觀眾的情緒側向一邊，「所以，我依家都係保持嗰個諗法㗎，真相？你哋真係想搵真相咩？我都有睇部分嘅留言，全部都係偏頗性嘅，大家只不過想搵個你哋睇唔順眼嘅人嚟攻擊吓啫。」
對於張潤衡的指控，電視廣播有限公司助理總經理（企業傳訊）黃德慧表示︰「本台一向秉持真實報道為原則，節目亦按專業守則嚴謹製作，對於個別言論，本台不作進一步回應。」
重溫當年張潤衡的訪問部分內容～
張潤衡因為被指帶同無綫《東張西望》攝製隊，前赴台灣探望八仙樂園塵爆事件傷者而被抨擊，他因此接受網媒訪問解畫，張潤衡解䆁沒有通知無綫攝製隊，「我係無同TVB有協議，我冇邀請任何傳媒，真係一出境就見到佢哋隊攝製隊喺度」，又指攝製隊跟着他去醫院，他表明在工作時不要拍攝。對於八仙嶺山火事件，佢堅持只係在集合前與幾位同學食早餐時，因為貪玩有食煙，他亦指有許多同學有食煙及帶煙上山，「我想澄清呢，係山上面食煙呢，一定唔會係我，因為我真係無攞過出嚟，我無吸煙習慣，嗰次係我第二次攞起支煙㗎咋」，對於香煙牌子，他指時間過了很久，已經忘記，本身亦不熟悉牌子，對於網上有許多自稱其舊同學的網民，紛紛對他作出指控，他承認以前人際關係差、成績差、脾氣差、樣樣都好差：「講錯好多說話，我絕對好肯定我當年係得罪過好多人」，他續指現在反思自己中一時，為何與一些行為有問題的人做朋友，是因為當時被全班同學杯葛、欺凌。再被問到在山上有否見到任何人食煙？「喺我對眼，我真係睇唔到任何人嘅」，被問到想唔想知道真相？他坦承曾經有想過要知道真相，但其後的經歷令他明白沒有辦法改變過去，只能夠未來努力、盡力地生活，再被追問是否好強烈地想追尋為何會發生山火？他續說：「其實真相你搵到又點啫？好坦白講今次呢件事裏面，我知道真相大家可能都好想見到，但如果我喺輔導嚟講，我情願比較希望係諗面前多啲，但當然我知道我講呢句說話呢，大家都會好哽耳，因為好多人依然覺得係我，但係我真係只能夠攞出個證據係李雋文佢本人，至於你話你可以唔信佢都得㗎。」
更多節目圖輯：
