G
areth.T與 MC張天賦首度合體推出新歌《金童子》， 問到二人今次合作契機，Gareth 立即鬼馬地說：「你哋（華納同事）啊！你哋話（我）同MC出首歌，整完啦我哋首歌，拍埋MV啦！」Gareth亦有分享歌詞是Wyman自上年他們於各頒獎禮獲獎後有感而發，而作曲靈感，Gareth 則風趣地說：「瞓覺起身諗到！」
而作詞人Wyman更在社交網上分享《金童子》如何誕生，原來Gareth.T與 MC本來在《泥菩薩》這首歌是首次合作，可惜因為大家的期夾唔到，所以變成Gareth.T獨唱，他仲舉例這首不可能在現場唱，「《泥菩薩 》的verse頭六句，每一句最後一個字，和下一句的第一個字，其實都有少許重疊，如果要唱live，根本沒有充足的唞氣位，因為這幾句寫旋律的時候，本身就是兩個人一人一句疊住來唱的，所以只有錄音室版本能夠做到這個效果，唱現場的話，得一個歌手其實搞唔掂。」而Wyman更笑說張先生和湯先生的合唱計劃，就一直懸掛在半空中。「我還開玩笑跟Gareth說，如果 《泥菩薩》有續集，一定要叫做《鐵觀音》。結果在過年前，幸福又突然降臨，湯令山給我一個Motown風格的Demo說：『這次終於可以來真的了。』於是我又頑皮了，既然個曲風唔適合，觀音娘娘未出得場住，於是決定搵個親戚《金童子》出嚟頂一頂先，也算是同樣兩個人，換了一個時空的金風玉露。至於《鐵觀音》，我還是要寫的，就看甚麼時候天跌下來這個機會了哈哈哈！天山童佬（The Sky-Mountain Kidults！我覺得佢哋嘅組合可以叫呢個名😆）。」
至於MV亦向六十年代歌曲MV致敬，二人穿上一身踢死兔加上沙塵十足的舞步，MV 結尾圍圈跳舞場面，玩味十足，配埋「Woo Woo Woo 閃爆你」ad-lib，超級歡樂！問到跳舞部分是否身為MV導演的Gareth 要求？Gareth立即指着MC說：「好似係你問我㗎喎！」MC 亦搞笑回應：「係咩？係咁嘅，因為一開頭佢（Gareth）就話俾我聽嗰個舞台效果、會有咩燈光、同會係一個點樣嘅場地，咁於是乎我就話咁不如我哋跳埋舞啦，點知就認真咗……咁……咪跳舞囉！」二人更互笠高帽大讚對方舞技有120分！MC 更大讚 Gareth是他合作過最好的導演，他說：「拍過咁多（MV）導演，佢係最好嘅導演，因為快收工啦，所有嘢都準備充足，又輕鬆同埋成件事出嚟好有型，同埋應該好耐冇呢類型嘅 MV 啦！」
