TVB娛樂訪談節目《一周星星》今晚（16日）播出一集，邀請電影《功夫女足》導演兼編劇周星馳、聯合導演林子聰，以及演員劉嘉玲、蔡思貝、張繼聰擔任嘉賓，接受主持人黎芷珊訪問，暢談拍攝幕後趣事。
黎芷珊坦言，能夠同時訪問兩位「星級中的星級」嘉賓深感榮幸。當她笑問星爺兩人多久沒見面時，星爺即發揮無厘頭本色回應：「冇幾耐啫，四十年到之嘛！」芷珊隨即接話：「我十歲嗰陣未做兒童節目。」此話令在場的劉嘉玲大感驚訝，高呼：「Oh my god！」原來她並不知道兩人曾一同主持兒童節目。星爺隨後再補一槍，指芷珊是看着自己入行，芷珊沒好氣地反擊：「佢嗰時係童星嚟嘅！」
談及《功夫女足》拍攝過程，劉嘉玲問星爺為何不安排她落場踢波，笑言是否因自己年紀大。星爺則反問她為何不早點開口：「你嗰時問我做啲乜嘢？唔使郁㗎嘛？」其後嘉玲認真表示願意配合任何NG次數，但星爺隨即「踢爆」她極有主見——每當想講解演出方式時，嘉玲總會拋下一句：「唔使講喇！」嘉玲即時大反應澄清，強調絕不會如此對待導演：「雖然你係我朋友……」話未說完，星爺已搶着說：「你都冇當過我係導演。」
兩位巨星相識多年，互相調侃毫不客氣，但不損多年友誼。嘉玲更「控訴」星爺私底下回答問題極度敷衍：「佢一啲都冇改到啊」、「答埋啲嘢都係嗰幾個字，答咗又好似冇答咁。」面對連番指控，星爺一臉無辜地為自己平反：「好真誠㗎！」場面惹笑。
訪談期間，嘉玲突然提及另一半梁朝偉：「其實我一路都想佢（星爺）同梁生……」全場隨即起哄。黎芷珊興奮表示要靠嘉玲出手幫手游說偉仔，並追問星爺合作的可能性，星爺霸氣回應：「冇嘢係冇可能！」引來全場拍手歡呼，為影迷留下無限遐想空間。
至於同場的林子聰、蔡思貝及張繼聰，全程在旁「食花生」觀戰。當黎芷珊表示要與三人對話、以免冷落他們時，三人竟異口同聲地說：「唔使㗎！」蔡思貝更補充：「好好聽呀」、「你哋繼續傾啦。」場面輕鬆有趣。
