劇好唔好睇，除了劇本出唔出色之外，其實最重要都是看觀眾的口味，就算劇本細膩有齊所有受歡迎材料，但觀眾唔受到冇計。
好似由金宇彬及秀智演出的《許願吧，精靈》播出後就好壞參半，有人睇了一集就話要棄劇，有人話愈睇愈開心，仲要一日追晒十三集睇埋大結局，正反兩極。
這劇的男女主角人設，男主伊布利斯是燈神精靈，被困在神墱來九百多年，等待下一個主人出現，當他重回地面，九百多年的變遷，編劇就著筆於他對世界萬物都好奇，事事都新鮮好玩，有點像白紙那樣純，所以金宇彬初期的演繹有點搞笑及帶點無聊；加上女主奇嘉盈被設定是天生反社會人格的「殺人狂」，只不過自小被外婆及村民照顧下，學習把情緒押下，但仍是一個不正常的人，所以當男女主相遇時，就會產生化學反應，女主根本不會害怕這個地獄「精靈」，編劇是想打破框框。
其實看了兩三集劇味是不錯的，因為男女主的前世關連，今世尋求解決，人與精靈間的愛情又幾甜蜜，結局能否開花結果呢？加上故事還有講述因果、人性貪婪等等，好快就看完一集。而且這齣劇有幾位客串藝人，例如宋慧喬、金智勳及丹尼爾海尼，都十分吸睛，尤其是丹尼爾扮演由狗變人的金介，他十分投入扮演一隻狗的角色，無論是黃狗射尿或聞燈柱，甚至四隻腳踎在路邊等主人也十分搞鬼。
《許願吧，精靈》是一部奇幻浪漫喜劇，講述沉睡千年後甦醒的「職場斷層精靈」燈神精靈「伊布利斯」（金宇彬 飾），與缺乏情感的人類「奇嘉盈」（裴秀智 飾）相遇，圍繞三個願望展開意想不到的故事。
《許願吧，精靈》
Netflix 十三集全上架
