應采兒與陳小春育有一名可愛囝囝Jasper，5歲大嘅Jasper看似乖巧軟萌，但年紀小小已經十分勇敢，不時挑戰各種新事物。
Jasper除咗遺傳爸爸嘅跳舞基因外，佢於運動方面亦相當出色，滑雪、游泳都難唔到佢。
日前采兒又帶Jasper體驗攀岩，並拍下囝囝專心學習嘅過程。見Jasper專心地向上爬，仲愈爬愈高，表現得非常輕鬆！連媽媽忍唔住發出驚歎聲。
而小春亦留言讚Jasper有型，但就擔心地話：「嗯，不錯！但別讓他愛上這個運動啊！好危險。」不過小春大可放心，因為充滿運動天份嘅Jasper身手敏捷，又跟住教練指示，唔會咁容易發生意外。網民留言話，「春哥是怕Jasper約他一起攀岩吧」、「勇敢的男子漢，以後可以保護媽媽啦！」
圖片來源：應采兒@Instagram