黎瑞恩在帖文說：「早晨呀各位
幾日前我個女終於大學畢業喇 好想同大家分享我嘅感受同喜悅呀
由你幼稚園畢業到你大學畢業 我都從未缺席過 見到你戴四方帽喺台上面嗰一刻 我好似開水喉嘅眼淚 心情真係非筆墨所能形容 恭喜你呀 終於完成你人生第一個必須嘅考驗 我真係百般滋味在心頭
我嘅手機相簿就係你同細佬嘅成長印記
20幾年我見證你喺我肚裏面嘅一粒豆 變成今日可以同我傾心事 車我去街街 提我「Mom你咁樣唔得㗎」等等 我真係覺得好神奇 你哋終於長大喇 可以照顧返我喇
好感恩上天將你兩個賜俾我 雖然有時好勞氣 但係有98%都係開心嘅
你成日問我 阿媽 你覺得這樣好唔好 那樣好唔好嘅時候
我嘅答案好簡單
你嘅人生自己話事
我只想你健康同快樂就夠喇
# 典禮未開始已經喊咗 」
網民紛紛送上祝福，「真係戥你高興同埋感恩，湊大佢兩個真係唔容易！」、「個女有媽媽咁靚」等等，而黎瑞恩也親回：「多謝各位嘅祝福呀 由於我個Account發生咗故障 所以不能一如既往咁同大家傾偈 現在主要靠管理員幫我出post 希望快啲搞掂再同大家開live 。」
2002年，黎瑞恩與曾憲梓三兒子曾智明結婚，結束七年愛情長跑，婚後黎瑞恩退出樂壇，並育有長女曾凱栭（Sheree）和兒子曾浩（Tyrone）。嫁作人婦的黎瑞恩，除了與家人一起出席公開活動以外，甚少公開露面。2014年年初，傳出其夫在廣州包養小三逾兩年，對方比黎瑞恩年輕約20歲，兩人傳陷婚變危機。2014年6月，黎瑞恩接受傳媒的電話訪問，親證自己與丈夫已離婚，而她亦會獨力撫養子女，復出工作，並送子女到澳洲求學。
