黎彼得離世│年初現身網台透露肺腎都出事 私家急症轉介政府 「醫生話住喺度我會破產」

殿堂級填詞人兼演員黎彼得昨日（5日）離世，享年76歲。其好友鍾志光透露黎彼得自今年3月已因中風臥床，身體機能逐漸衰退。鍾志光表示黎彼得今年初入住護老院，至3月初，在院內中風暈倒，此後一直臥牀。鍾志光憶述在黎彼得5月13日生日當天，他曾前往探望，但當時黎彼得已無任何反應。
其實，黎彼得跟鍾志光一直合作主持的YouTube節目《玖噏秘笈》，雖然三月初已中風，但網台亦有更新，相信是他之前錄定的節目，而在四月第七十集節目中，他明顯比以前消瘦，下巴鬆鬆有頸紋，臉也無肉，節目中，他分享求診時「天使走過人間」的經歷，指遇到不少好醫生及醫護人員。

黎彼得向拍檔鍾志光透露，近期頻頻進出醫院，指第一次因感染流感導致嚴重呼吸困難要入ICU，更要戴呼吸機治療，第二次再入仁安醫院的急症室，即獲安排轉介到政府醫院，他解釋：「醫生話一晚十萬埋單，講你個肺衰乜，腎又衰乜嘢，好細節分析你知，都係同你Call白車入威爾斯（親王醫院），住嗰度你會破產架，（鍾志光：幫你慳返好多錢）呢輪你知我見咁多醫生，呢輪腎科出事，因為個腎指數高，遇兩位腎科醫生都好到不得了。」

黎彼得稱自己都是普通市民，雖然在娛樂圈有少少名氣，只是咁啱遇到的醫生都咁有醫德。他更笑言自己「久病成醫」好清楚自己情況。
其實早於2022年2月，黎彼得因眼腫去睇醫生，檢查腦掃描後得知腦部有條血管收窄，才導致眼腫。雖然腦部沒有大問題，但檢查後得知心臟同時有兩條血管堵塞，需要盡快接受「通波仔」手術。

當時他向《愛回家》劇組請假做手術兼停工休息，因手術需花費大筆醫療費用，加上停工3個月令他經濟經濟十分拮据，當時幸得契仔黃宗澤及富商劉鑾雄（大劉）出手相助，他事後才透露：「大劉秘書打嚟話大劉要幫我，話大劉係我Fans，鍾意《小男人周記》大古惑呀。我初初都以為係電話騙案，直到佢問我銀行帳號，我先知係真嘅。秘書問我手術做咗幾錢同埋每個月生活費，大劉會幫我畀咁話。」大劉真的代繳手術費以及每個月給予生活費支持。