黃夏蕙舉行96歲壽宴，筵開60席，女兒Maggie，好友邵音音、徐寶鳳、魏秋樺、王天麗等到賀。夏蕙姨受訪時被問及幾多歲？她笑說：「應該係嚟緊94歲啦，而家都仲係93歲」，後來其經理人更正她的真實年齡為96歲。夏蕙姨表現精靈，她分享養生哲學：「冇呀，做多啲善事、做多啲好事就得㗎啦！」她透露生日願望，「最緊要真係世界和平，人人有工作，大家有飯食，呢個係我願望。」
夏蕙姨表示未來將全情投入慈善工作，在內地籌辦老人院，「我有間老人院，開咗張㗎喇，但佢要我去同佢管理嘅，喺大陸嚟嘅。」她指該處環境好、收費實惠，「我正正式式同佢搞好佢，因為好平，佢而家收緊人哋都係三千幾蚊，好靚，包食四餐。」她指由於對方不擅長推廣，所以她決定親力親為做宣傳，她也已經入住，「因為你一定要喺嗰度，如果你唔貼身做唔到嘢。」
談及家族基金與遺產發放問題，夏蕙姨表示已交由律師處理：「當初我唔知我先夫留份遺囑嘅，咁法庭同我打官司，就知道呢啲錢我有份，即係每個月有幾萬蚊囉。」她表示一向生活簡單，所以沒有經濟壓力，「我有仔有女，我好慳㗎，係除咗捐之外，我自己都冇乜嘢，買件靚衫囉！」
