「新城・樂動區區Busking」昨日（8日），在黃埔天地船景街舉行，《聲秀》三甲得主馮熙燮（Ryan）、柯雨霏（Ophelia）、胡子貝（Matt），聯同穎喬（Ziva）、陸卓謙（Jeffrey）、甄敏芳（Jenny）獻唱。Matt以一曲《哀的美敦書》及《說謊者》打頭陣，眾歌手獻唱時，不忘提早向粉絲送上新年祝福！
壓軸出場的Ryan唱出《用背脊唱情歌》、《聆聽自己的聲音》及與Jenny合唱《來夜方長》，惟當他唱到自己的歌曲《聆聽自己的聲音》中段時，忘記歌詞。Ryan事後解釋：「今朝唔記得食飯，表演時兩隻腳都有啲震，加上要兼顧主持工作，花咗太多心力介紹其他夥伴，所以影響咗表現。」他承諾吸取教訓：「下次一定食飽再上場，唱得更好畀大家聽。」Ryan亦表示會積極嘗試新飲食法管理身材，笑說：「我呢排非常積極減肥，減肥係人生課題，本身就依靠食多啲蛋白質去減，但依家已經停滯咗，好想新年前轉生酮飲食，希望成功減到。」
Ophelia見到有許多支持者覺得受寵若驚，「能夠同觀眾咁近距離互動，又睇到咁多粉絲支持，係好開心嘅體驗。」農曆新年將至，Ophelia表示要忍口控制飲食，目標要再減至少8公斤。首次在港作街頭表演的Jenny表示：「今次室外表演感覺好唔同，街道好熱鬧，好多人願意停落嚟聽歌，氣氛非常好。」
更多圖輯：
