馮寶寶鮮有露臉 揸5個鐘頭車撐《唔講得》

Bobo姐穿上淡黃色裙配上頭飾，精神不錯，而Bobo 姐在看過尾場演出後和劇中演員合照留念，她表示：「唔講得，唔講得，因為太多嘢要講啦，好好睇，演員一流啦，我覺得選角葉童係好適合，呢方面陳善之(監製)應記一功，我諗唔到我曾經合作過嘅黃德斌，嗰陣我唔係咁留意到佢，佢今次喺台上面著嗰件西裝，一定係美指將佢打扮到有型有款。一路睇我好enjoy個故事，寫得複雜、迷離，高潮起伏一路想追看落去，當然導演應記一功，總言之整體嚟講太好睇啦，唔講得啦！」

Bobo姐近年喜歡檳城的生活節奏，覺得慢活適合自己的心身狀況，近年亦已減少幕前演出，最後一部參演電影是與謝賢合作的《殺出個黃昏》，但由於在2021年的疫情期間上映，馮寶寶只能作視像訪問未有返港。年前她曾表示要出自傳，但後來因為「情緒上唔想再寫」，寧願向前看，所以擱置出自傳的想法。