作為「受害人」的馬明被發現在垃圾堆中，起初逃跑拒絕受訪，之後阿廉口述馬明經過同事的安慰後終於冷靜下來肯受訪，鏡頭一轉阿蕭和阿廉展開左右夾攻，馬明傷心坐在他們中間，阿蕭首先問馬明心情，馬明答：「好失落。」阿廉再問他為何會被騙做音樂會？他說：「最近冇嘢撈，跟住佢哋又話音樂會，佢哋兩個識唱歌，咁我唔使唱，佢哋叫我只係帶吓位就得，斟吓啲蜂蜜咁就得㗎啦，點知依家話要推我上台唱歌，仲要露肉。」
曹永廉續謂：「其實你做咗30幾年人，點解仲會聽佢哋兩個講？」馬國明稱：「佢哋兩個好似好朋友咁，望落去好真誠咪俾佢哋呃咗囉。」一直垂頭喪氣的馬明終於抬起頭，笑指騙他的就是身邊的阿蕭和阿廉，然後齊齊哈哈大笑，並留言：「燒馬槽合體，歡樂指數爆燈。音樂會唔係淨係聽歌，係睇三兄弟亂嚟都咁好睇！」阿蕭亦謂：「藝人馬國明誤信朋友，結果將開始唱歌生涯，樂壇將迎來一次爆炸性嘅震撼，支持我哋快樂音樂」，並就網民笑指：「唔露肉告你虚假宣傳」，阿蕭回覆謂：「我哋塊面上面都有肉的」。
馬明上次加入時亦有拍宣傳片，當時為劇集《巨塔之后》煞科，馬明都是一臉愁容說：「煞科即係失業，無嘢撈咁點算咧…」。
