72歲的韓馬利（Mary姐）入行50年，自從與老公杜燕歌先後離巢無綫後，二人移居中山過半退休生活。近日Mary姐在社交網拍片親自回應「點解最近唔拍戲？」
片段中Mary姐回顧拍過《京華春夢》、《皆大歡喜》、《宮心計》等多個劇集，表示：「過去嗰40幾年其實都未停過，好辛苦。尤其是香港嘅工作模式，真係冇得俾你休息，食都冇啖好食。同埋我哋啲比較責任感強嘅人，之前又要做劇本，又要做好多準備功夫，坦白講，如果淨係成日飛紙仔嗰啲呢，我覺得真係唔可能囉，所以我都想唞一唞先！」
接下來是角色的問題，Mary姐坦言希望選擇自己喜歡的角色，及一些從來未做過，並具挑戰性的角色，「我依家仲等緊嘅」。她亦明白到了這個年紀，角色戲分一定不會太重，她又不想演一些「打醬油」的角色，「當然主角梗係唔輪到我做啦，而且坦白講，我呢個年紀都負擔唔到添。」她直言現在是進退兩難，既不是不喜歡拍戲，仍然有掛住，但太辛苦她又不想，她笑言：「我都問緊自己到底依家想點啫！」
最後Mary姐表示現在這個年紀屬於休息狀態，因為老公跟她說過：「其實我哋依個年紀已經係倒數緊，我哋要錫吓自己。」被當頭棒喝的Mary姐直言：「係喎，要錫吓自己㗎喎，咁可以休息嘅時候咪休息吓先，享受吓先囉。」
