陳柏宇（Jason）早前完成一連三場演唱會，期間首唱了由Jay Fung馮允謙作曲的演唱會主題曲《快照》，第二場演出更邀得Jay Fung擔任嘉賓，合唱這首歌曲的英文版demo《Up and Down〉，為全場觀眾帶來驚喜。昨晚（4日）《快照》MV正式上架，重溫Jason這次演唱會的精采點滴。
由於《快照》本身是演唱會主題曲，今次MV特別輯錄了由籌備到正式演出的珍貴片段，包括：練歌、入台綵排及台上表演的畫面。樂迷除了能透過Jason與台前幕後的互動，捕捉屬於他演唱會期間的每張「快照」外，MV亦收錄了歌迷拍攝的鏡頭，以及Jason在演唱會期間記錄下來的台下互動，共同留住這份珍貴回憶。
Jason在邀歌時，堅持不希望Jay Fung刻意為他量身打造，唯一要求是寫出他自己喜歡且感到自豪的作品。提及這次合作，Jay Fung十分興奮，更盛讚Jason對音樂與生活的熱情：「Jason唱得好就唔使講！而佢對於人生或者音樂上面都好多睇法，加上佢對音樂嘅dedication，我係非常欣賞！」Jay Fung補充，每次與Jason碰面都會聊起音樂，「就連我依家嘅唱歌老師其實都係Jason介紹！」提及《快照》的創作方向，Jay Fung笑言起初聽完要求，也有點「搲頭」，後來細聽Jason舊作，決定跳脫常見的情歌框架，「因為Jason好多作品都係ballad情歌，相信都好多人會寫俾佢，所以我就決定寫啲喺Jason library唔會成日聽到嘅作品！」
Jay Fung表示創作時，代入了Jason的父親身份，思考他想教導小朋友甚麼，「突然間我就諗到最simple form去講人生就係『up and down』，所以就寫成依家demo嘅hookline，去解釋人生好似roller coaster一定會有起伏。」而這句hookline亦成為詞人雷暐樂以《快照》為題的靈感來源，「諗起去主題樂園玩過山車，最後衝落去嗰下會影張『快照』。張相（快照）捕捉咗呢趟旅程當下最真實情緒，有幾投入、點投入法，會喺張相度睇得一清二楚。」最終令歌曲完美連結創作意念、Jason自身與演唱會《Live in Frames》的主題。
