陳卓賢（Ian）九場《IAN CHAN：GROWTH LIVE 2026》演唱會，昨晚（23日）於啟德體藝館開鑼。Ian獻唱《鯨落》揭開序幕，唱至中段，Ian想飲水，「咦！不如飲啖水，搵下水源先！」然後在舞台側找到水瓶，引得在正前方的歌迷大叫，Ian笑說：「你哋鍾意睇飲水？等我繞場一周先。」昨日適逢「大暑」，Ian問觀眾熱唔熱？笑指可以較大啲個冷氣。
Ian在演唱《花邊細胞》後去後台換衫，但換衫過程在大屏幕直播，引得觀眾嘩嘩聲，換衫時大騷胸肌之後，與打扮性感的舞蹈員演繹《遲眠劑》，大跳辣身舞，舞蹈員擁抱及撫摸Ian，更在他胯間穿過。
Ian深情剖白對成長的感悟，他認為成年人當遇到一個人或一段感情，會思考能否永恆，「而家我眼前呢個，係唔係我要搵嘅嗰個人？」但當他漸漸長大，發現所有事情均有變數及變化，「我覺得呢個世界上唯一不變嘅就係改變，所以改變先係永恆。」
接近尾聲，Ian曾表示不會扮完騷，然後encore，但當唱完最後一首《仍在》之後，他換上橙色間條套裝重返舞台，問觀眾：「你哋做咩仲唔走？聽日唔駛返工？但我要返工喎！」最後加唱樂迷曾大叫點歌的《背伴》，在返回後台時，講晚安及不停送飛吻。
更多現場圖輯：
